Pauso txiki bat

Pauso txiki bat emon da gaurkuen Durangoko udaletxeko plazan.  San Fausto egunez dantzari guztixek dantzari dantziaz disfrutetako aukerie euki dabe lehengoz. Lehen pausue emon da gaur, baina ezta azkena izengo, gaur erein dan hasixek oraindik loratu biher dau ta.

Gaurko egunek hausnarketa bat merezi dau:

                Egokixek izen die dantzarixek erun dabezen erropak?  Edota beste erropa bat diseinatu eta sortzie hobeto litzateke beste talde batzutan hartu daben bidie jarraituz?  Prakak erabili beharrean gonak? Ala bixek akaso?

                Eta zer gertatzen da oin artien dantza mixtuek izen dienekaz? Bertan dantzari guztixek parte hartzeko aukera izen daben arren genero bereizketa erropetan isladatute geratzen da. Dantza hauek be egokitu ta genero bako dantzarixek dantzatu beharko leukiez?

Beraz,  zer hobetu badau ondio. Halan da be, gaur Durangon emon dan pausuek etorkizunerako bidiek zabalik itxi dauz. Gaur durangon bizitakuaz Ixone Aroma dantzarixen hitzek hemen;

“Egun handidxe gaurkue, lehenengoz dantzari guztiok euki dogu Dantzari dantzie eitteko aukerie Durangoko plazan. Atzetik etorriko dienari bidie zabaldute, trankil lo ein geinke, ez daittezela alperrekuek izen gaurko nerbidxo guztiek… Hurrenguen gehidxau eta hobeto, aurten ‪#‎beraiekbezaingaizki 😉 ez da gitxi, bada zozer. Garazi Sarrionandia eskerrik asko eskutik heltziarren, zentzu guztietan eta Aritz Lasarguren, burukomin eta letxe txarrak ahaztute, gozatu lortutekuegaz, neurri handi baten zeuri esker izen da eta! ”

ixone_erregelak ixone_erregelak2 banango_zaharratxotxongiloa
agintariena

AUREO

Dantzaz konpainiak “AUREO” ikuskizun berria plazaratuko dau asteburu honetan. Ikuskizun honetako sorkuntzan, Lasala konpainiako Judith Argomaniz eta Jaiotz Osa aritu dira koreografo lanetan.

“Aureo bost pieza koreografikoz egindako programa da: bost dantza «dastaketak», nazioartekokalitatezkoak, edozein publikorako gozagarriak: bai eskarmentudunak, baita berrientzako ere. Dantzazekbere «Urrezko Proportzioa»-ren bila dabil: publiko eta sormenen arteko proportzioaren bila: kalitatea etahurbiltasuna; eszelentzia eta espektakulua, sortzaile handiak eta sormen handiak edozien publikorako etaedozein espazioan egitekoak».

Publiko eta sormenaren arteko harremanak estutzearen bidean, Dantzaz eta Donostia Kulturak aukera paregabea eskeintzen dizute: Aureo ekoizpenaren prozesua barnetik ezagutzeko, bost koreografien zatiak ikusteko, eta konpainiaren zuzendari eta dantzariekin solasaldian aritzeko parada.

Oharra: ekitaldi honetan parte hartuz gero, Aureo emanaldirako bi sarrera baten prezioaren truke lortuko duzu. Gonbidapenak hilaren 12tik aurrera banatuko dira Victoria Eugenia Antzokiko leihatilan.”